ДҮЙНӨДӨ

Тажикстанда селден бир өспүрүм каза болду

Тажикстандын Турсунзаде районундагы суу ташкындан 16 жаштагы өспүрүм каза болду. Бул тууралуу «Азаттык» радиосунун тажик кызматы жазды.

Маалыматка караганда, 21-апрель эртең менен нөшөрлөгөн жаанга карабастан жайытка кеткен Азизбек Куловдун сөөгүн жергиликтүү тургундар табышкан.

Буга чейин синоптиктер дарыяларда суунун деңгээли көтөрүлүп, сел жүрүшү мүмкүндүгүн эскерткен.

Тажикстанда нөшөрлөгөн жаан менен суу ташкындары апрелдин башынан бери уланууда. Өлкөнүн Ванж, Дарваз, Темурмалик, Муминабад, Восей, Матчин райондору, ошондой эле Куляб жана Пенжикент шаарларынан тышкары Душанбени дагы суу каптап, унаа тыгындарын жараткан.