КЫЛМЫШ-КЫРСЫКТАР

“Кычкылтек концентратын” алып келип берем деп жарандарды алдап кеткен шектүү кармалды

2020-жылдын 7-июль күнү Бишкек шаарынын Биринчи Май РИИБине, Бишкек шаарынын Улан кичирайонунун тургуну 1987-жылы туулган И.Э. арыз менен кайрылган, анда ушул эле күнү Бишкек шаарынын Разакова көчөсүндөгү үйүдүн жанынан бейтааныш Максат аттуу жаран, алдамчылык жол менен ишеничке кирип «кычкылтек концентратын» 300 АКШ долларына алып келип берем деп ошол бойдон изин жашырып качып кеткенин айткан.
Бул окуя Бишкек шаарынын Биринчи Май РИИБине 2020-жылдын 13-июль күнү КЖБРга Кыргыз Республикасынын Жазык кодексинин 204-беренеси (Алдамчылык) менен катталган.
Тергөө тапшырманын негизинде жүргүзүлгөн ыкчам-иликтөө иш-чараларынын жүрүшүндө 2020-жылдын 28-июль күнү Кыргыз Республикасынын ИИМдин КМКнын МКККУБнүн жана Бишкек ШИИББнүн КМКнын МКККБнүн кызматкерлери тарабынан, Ысык-Көл облусунун Түп районунун тургуну 1997-жылы туулган О.М. кармалды.
Ыкчам-иликтөө иш-чараларынын жүрүшүндө бул кылмыштан тышкаары мамлекетте пандемия учурунда ооруга чалдыккан,  «кычкылтек концентратына» муктаж болгон дагы 5 жаранды алдамчылык жол менен ишеничке кирип «кычкылтек концентратынын» акчасын алып качып кеткендиги аныкталган.
Азыркы учурда, жогоруда кармалган шектүү О.М. Кыргыз Республикасынын ЖПКнын 98-беренесинин негизинде Бишкек ШИИБнын Тергөө кызматы тарабынан убактылуу кармоочу жайына киргизилип, иликтөө иш-чаралары жүргүзүлүүдө.

ИИМдин Басма сөз кызматы